توشہ خانہ اور 190 ملین پاؤنڈز ریفرنسز پر سماعت آج ہوگی

سابق چیئرمین پاکستان تحریک انصاف (پی ٹی آئی) عمران خان کے خلاف توشہ خانہ اور190ملین پاؤنڈریفرنسز کی سماعت آج ہوگی۔احتساب عدالت اسلام آباد کے جج محمد بشیر بانی پی ٹی آئی، بشریٰ بی بی کے خلاف ریفرنسز کی سماعت آج اڈیالہ جیل میں کریں گے۔عمران خان کی مذکورہ ریفرنس میں ضمانت بعد ازگرفتاری کی درخواستوں پر بھی سماعت آج ہوگی۔واضح رہے کہ گزشتہ دنوں قومی احتساب بیورو (نیب) نے توشہ خانہ کیس اور 190 ملین پاؤنڈ اسکینڈل میں دو ریفرنسز دائر کیے ہیں، دونوں ریفرنسز کی پیروی کے لیے 5 رکنی ٹیم تشکیل دی جس نے کام شروع کردیا ہےاس کے علاوہ بانی پی ٹی آئی نے توشہ خانہ کیس کا فیصلہ معطل کرنے کے لئے سپریم کورٹ سے رجوع رکھا ہے اور مؤقف پیش کیا کہ الیکشن کمیشن نے غلط فہمی کا فائدہ اٹھا کر نااہلی کا نوٹیفکیشن جاری کیا۔