مالکن نے ملازمہ کو پیٹرول چھڑک کرآگ لگادی، شوہر گرفتار

لاہورکے علاقے تھانہ شمالی چھاؤنی کی حدود میں گھریلو ملازمہ شبنم کو مبینہ طور پر پیٹرول چھڑک کر آگ لگانے کا مقدمہ درج کرلیا گیا۔پولیس نے گھر کے مالک نعمان کو گرفتارکرلیا ہے۔پولیس نے ملزمہ کی قریبی عزیزہ مدعی ردا کی درخواست پر گھر کے مالک نعیم عرف نومی کے خلاف مقدمہ درج کیا جہاں شبنم نامی 40 سالہ ملازمہ گزشتہ 11 سال سے کام کر رہی ہے۔ نعمان کی اہلیہ شازیہ نے گرم پانی مانگنے کی رنجش میں ملازمہ پرپیٹرول چھڑک کر آگ لگا دی۔ متاثرہ خاتون کو لاہورکے میو اسپتال منتقل کیا گیا ہے۔ملازمہ کے اہلخانہ نے مکان مالکن شازیہ اور اس کے شوہر کیخلاف تھانہ نارتھ کینٹ میں مقدمہ درج کروایا جس کے بعد پولیس نےگھر کے مالک نعمان کو گرفتارکرلیا۔پولیس کے مطابق ملزمہ شازیہ کی گرفتاری کیلئےچھاپےمارے جارہے ہیں۔ مقدمہ میں 324کی دفعات لگائی گئی ہے،پولیسمضروبہ نے بیان دیا ہے کہ اسے پٹرول چھڑک کر آگ لگائی گئی، شازیہ نے ملازمہ سے گرم پانی مانگا تھاجس پر جھگڑا ہوگیا اور اُس نے شبنم کو پٹرول چھڑک کر آگ لگا دی۔پولیس کا کہنا ہے کہ تفتیش میں مزید حقائق سامنے آئیں گے ۔ ملزم نعیم عرف نومی گیریژن پرائیویٹ سکول میں اکاؤنٹٹ ہے۔