ایون فیلڈاورالعزیزیہ ریفرنسز کی سماعت سے متعلق قواعد و ضوابط کا سرکلر جاری

نوازشریف کی ایون فیلڈاورالعزیزیہ ریفرنسز میں سزا کیخلاف اپیلوں پر رجسٹرارآفس نے قواعدوضوابط سے متعلق سرکلر جاری کردیا، جس کے تحت کمرہ عدالت میں موبائل فون بجنے اور رش کے باعث تعداد کم کردی گئی ہے۔اسلام آباد ہائیکورٹ میں نوازشریف کی ایون فیلڈ اور العزیزیہ ریفرنسز میں سزا کیخلاف اپیلوں پر سماعت کل ہوگی، چیف جسٹس عامر فاروق، جسٹس میاں گل حسن اورنگزیب سماعت کریں گے۔نوازشریف کی اسلام آبادہائیکورٹ میں پیشی سےقبل سیکیورٹی انتظامات کے لئے رجسٹرار آفس نے قواعد و ضوابط سے متعلق سرکلر جاری کردیا ہے۔ جس کے مطابق کمرہ عدالت میں موبائل فون بجنے اوررش کےباعث تعداد کم کردی گئی ہے۔سرکلر میں کہا گیا ہے کہ آئی جی اسلام آباد نواز شریف کی پیشی کے موقع پر مناسب سکیورٹی انتظامات کو یقینی بنائیں۔سرکلر کے مطابق کمرہ عدالت نمبر ایک میں داخلہ رجسٹرار آفس کی جانب سے جاری سیکیورٹی پاسز سے مشروط ہوگا، درخواست گزار کی قانونی ٹیم اور 25 رہنماوں کو کمرہ عدالت میں داخلے کی اجازت ہوگی، اور اسلام آباد ہائیکورٹ جرنلسٹ ایسوسی ایشن کے 15 صحافیوں کو کمرہ عدالت میں داخلے کی اجازت ہوگی، جب کہ اسلام آباد ہائیکورٹ کے ملازمین ان انٹری پاسز سے مستثنیٰ ہوں گے۔