کم عمر ڈرائیور بچی کو چھڑوانے کیلئے وزیراعلیٰ کا نام استعمال کرنے والے ملزمان گرفتار

پنجاب پولیس نے ڈرائیونگ کرنے والی کم عمر لڑکی کو چھڑوانے کیلئے وزیراعلیٰ پنجاب کا نام استعمال کرنے والے شخص کو گرفتار کر لیا۔نگراں وزیرِ اعلیٰ پنجاب محسن نقوی کا نام استعمال کرنے اور کار سرکار میں مداخلت پر پولیس نے ملزم یاسین سمیت دو افراد کو گرفتار کرکے تھانہ گلبرگ میں مقدمہ درج کرلیا۔ملزم یاسین نے وزیرِ اعلیٰ پنجاب کا نام استعمال کر کے پولیس پر دباؤ ڈالا تھا، اور خود کو اور ڈرائیونگ کرنے والی کم عمر بچی کو وزیرِ اعلیٰ کا رشتہ دار ظاہر کیا تھا۔ملزم یاسین نے بچی کو چھوڑنے کیلئے پولیس کو دھمکیاں بھی دی تھیں، جس کی ویڈیو بھی وائرل ہوئی تھی۔ویڈیو وائرل ہونے پر وزیرِ اعلیٰ پنجاب محسن نقوی نے فوری نوٹس لے کر پولیس کو کارروائی کا حکم دیا تھا۔پولیس نے ملزمان کو گرفتار کر کے مزید کارروائی شروع کردی ہے۔