خیبرپختونخوا کی 10 رکنی نگراں کابینہ نے حلف اٹھا لیا

خیبرپختونخوا کی نگراں کابینہ نے حلف اٹھا لیا، کابینہ کے ارکان سے گورنر خیبر پختونخوا نے حلف لیا، تقریب حلف برداری گورنر ہاؤس میں منعقد کی گئی جس میں نگران وزیر اعلیٰ سمیت اہم شخصیات نے شرکت کی، صوبہ خیبر پختونخوا کی نئی نگراں کابینہ میں 10 وزراء شامل ہیں۔اس سے قبل گورنر کے پی کے غلام علی نے نگراں کابینہ کی سمری پر دستخط کئے تھے ۔نئی نگراں کابینہ میں سید مسعود شاہ، ارشاد قیصر، آصف رفیق، نجیب اللّٰہ، سید عامر عبداللّٰہ، فیروز جمال، احمد رسول بنگش، محمد قاسم خان، عامر ندیم اور احمد جان بھی شامل ہیں، نگراں صوبائی وزراء نے آج سہ پہر اپنے عہدوں کا حلف اٹھایا۔یاد رہے کہ نگراں وزیرِ اعلیٰ خیبر پختون خوا جسٹس (ر) سید ارشد حسین شاہ نے اپنی ذمے داریاں سنبھال لی ہیں۔نگراں وزیرِ اعلیٰ کی سیکریٹریٹ آمد پر اعلیٰ حکام نے ان کا استقبال کیا۔اس موقع پر پولیس نے نگراں وزیرِ اعلیٰ خیبر پختون خوا جسٹس (ر) سید ارشد حسین شاہ کو گارڈ آف آنر پیش کیا گیا۔نگراں وزیرِ اعلیٰ جسٹس (ر) سید ارشد حسین شاہ کو بریفنگ بھی دی گئی