پٹرولیم مصنوعات کیلئے بانڈڈ بلک سٹوریج پالیسی کی منظوری دیدی گئی

وفاقی وزیر خزانہ اور ریونیو سینیٹر محمد اسحاق ڈارنے کہاہے کہ عوام کے ساتھ کیے گئے ایک اور وعدے کی تکمیل کردی، اقتصادی رابطہ کمیٹی نے پٹرولیم مصنوعات کے لئے ” بانڈڈ بلک سٹوریج پالیسی 2023″کی منظوری دے دی ہے ۔سماجی رابطے کی ویب سائٹ ٹوئٹر پر ایک پیغام میں وفاقی وزیر خزانہ اور ریونیو سینیٹر محمد اسحاق ڈارنے کہا کہ حکومت کا پاکستان کے عوام کے ساتھ ایک اوروعدہ پورا ہوا جو 9 جون 23 کو قومی اسمبلی میں بجٹ مالی سال 24 کی تقریر کے ذریعے کیا گیا تھا۔انہوں نے مزید کہا کہ اس ضمن میں وزیر مملکت برائے پٹرولیم پریس کانفرنس کے ذریعے تفصیلات شیئر کریں گےرپورٹس کے مطابق اس حوالے سے حکام کا کہنا ہے کہ نئی پالیسی میں پٹرولیم مصنوعات کی درآمد کیلئے غیرملکی بینک میں ایل سیز کھولنے کی شرط ختم کردی گئی ہے

ECC approved “Bonded Bulk Storage Policy 2023” for petroleum products.
Another Govt’s commitment fulfilled with people of Pakistan that was made through Budget FY24 speech of 9June23 in National Assembly of Pakistan.
State Minister for Petroleum will share detail through presser.

— Ishaq Dar (@MIshaqDar50) June 28, 2023

آئل مارکیٹنگ کمپنیز پاکستانی پورٹس پر خام تیل، پٹرولیم مصنوعات خریدسکیں گی۔پالیسی کے تحت غیرملکی آئل سپلائر کمپنیاں پیٹرولیم مصنوعات پاکستانی پورٹس پرسٹوریج میں رکھیں گی، نئی پالیسی سے پٹرولیم مصنوعات کی درآمد پر بینک چارجز ودیگراخراجات ختم ہوں گے جس سے ریفائنریز، آئل مارکیٹنگ کمپنیز کو سستے دام پر تیل مل سکے گا