لاہور کے تاجروں کا دورہ جناح ہاؤس، شرپسندوں کو کڑی سزا دینے کا مطالبہ

انجمن تاجران لاہور نے شہداءِ وطن اور افواجِ پاکستان کیساتھ اظہار یکجہتی کیلئے جناح ہاؤس لاہور کا دورہ کیا۔تاجران برادری نے جناح ہاؤس میں ہونے والے اشتعال انگیز واقعہ کی شدید الفاظ میں مذمت کی۔تاجروں نے جناح ہاؤس کی زبوں حالی دیکھ کر کہا کہ 9 مئی کو جو ہمارے گھر میں واقعہ ہوا ہم اس کی مذمت سخت الفاظ میں کرتے ہیں، یہ جو بھی بد بخت تھے انہوں نے مسجد تک کو نہیں چھوڑا، جناح ہاؤس کا حال دیکھ کر وہ بہت غمگین اور افسردہ ہیں۔تاجران تنظیم کا کہنا تھا کہ اپنے شہداء کو خراج عقیدت پیش کرتے ہیں اور مطالبہ کرتے ہیں کہ جلاؤ گھیراؤ میں ملوث ان عناصر کو کڑی سے کڑی سزا دے کر کیفرِ کردار تک پہنچایا جائے