زمان پارک سے گرفتار 8 دہشتگردوں نے سب اُگل دیا، تفتیش میں اہم انکشافات

عمران خان کی رہائش گاہ زمان پارک سے باہر فرار ہوتے ہوئے گرفتار 8 مبینہ شرپسندوں نے دورانِ تفتیش اہم انکشافات کیے ہیں۔ پولیس ذرائع کے مطابق گرفتار 8 شرپسندوں نے پی ٹی آئی کی اہم لیڈر شپ سے رابطوں کا اعتراف کیا، تمام شر پسند لیڈر شپ سے ہدایات لے رہے تھے اور تمام ملزمان کے پارٹی رہنماؤں سے فون نمبرز اٹیچ ہوگئے ہیں۔پولیس ذرائع نے بتایا کہ ملزم بخت عالم شانگلہ اور ممتاز مردان کا رہنے والاہے، یہ دونوں کے پی میں پارٹی رہنماؤں سے رابطے میں تھے، سوات کا عبدالغنی بھی کے پی سے ہدایات لیتا رہا جب کہ مصری شاہ کا اعجاز، اچھرہ کا عبد الغفور اور شاہدرہ کا زوہیب اعجاز چوہدری سے ہدایات لے رہے تھے۔ شالیمار کا نبیل اور سیالکوٹ کا حنزلہ بھی مسلسل ہدایات لے رہے تھے جب کہ ملزم نے انکشاف کیا کہ انہوں نے ڈنڈے ٹمبر مارکیٹ لاہور سے بنوا کر رکھے ہوئے تھے