نگران وزیراعلیٰ پنجاب نے اہم اجلاس طلب کر لیا، 9مئی کو جناح ہاؤس کے اندر اور باہر موجود 300 خواتین کی فہرست تیار

لاہور میں 9 مئی کو جناح ہاؤس کے اندر باہر موجود خواتین کی فہرست تیار کرلی گئی ہے اور ان کی جلد گرفتاری کا امکان ہے۔ حکومتی ذرائع کے مطابق 9 مئی کوجناح ہاؤس لاہورکے اندر اور باہر موجود خواتین کی فہرست تیار کرلی گئی ہے جس میں پولیس نے 300 سے زائد خواتین کی فہرست تیار کی ہے، خواتین کی فہرست ٹیکنیکل اور انٹیلی جنس ذرائع کی مددسے تیارکی گئی ہے اور نگران حکومت سے منظوری کے بعد ان خواتین کی گرفتاری شروع کی جائےگی، ذرائع کے مطابق حکومت نے ان خواتین کی فہرستیں اینٹی ٹیررازم ڈیپارٹمنٹ کے حوالے کر دی ہیں جنکی گرفتاریاں کسی بھی وقت شروع کی جا سکتی ہیں، زمان پارک میں شرپسندوں سے متعلق اسٹریٹجی بھی چند افسران تک محدود رکھنےکا فیصلہ کیا گیا ہے۔دوسری جانب نگران وزیراعلیٰ پنجاب نے اس حوالے سےآج رات اہم اجلاس طلب کرلیا ہے جس میں چیف الیکشن کمشنر اور ممبران کو بریفنگ دی جائے گی جب کہ اجلاس میں ایک سیاسی جماعت سے متعلق اہم شواہد پیش کیے جائیں گے۔