پاکستان کی کل آبادی میں اضافہ، تمام ریکارڈ توڑ ڈالے

ڈیجیٹل مردم شماری کے تحت ملک بھر میں ساتویں خانہ و مردم شماری کے نتیجے میں ہونے والی گنتی کے بعد پاکستان کی مجموعی آبادی 24 کروڑ کے قریب پہنچ گئی ہے۔وفاقی ادارہ شماریات کے اب تک کے اعداد و شمار کے مطابق ملک کی آبادی 23 کروڑ 74 لاکھ 48 ہزار 241 تک پہنچ چکی ہے۔کراچی کی اب تک گنی گئی آبادی ایک کروڑ 71 لاکھ51 ہزار سےزائد اور حیدرآباد کی آبادی ایک کروڑ 18 لاکھ 71 ہزار سے زائد ہے۔ حیدرآباد ڈویژن میں ایک کروڑ 18 لاکھ71 ہزار 610، لاڑکانہ ڈویژن میں 78 لاکھ86 ہزار 660 اور سکھر میں 61 لاکھ 82 ہزار 973 افراد گنے جاچکے ہیں۔ شہید بے نظیر آباد ڈویژن میں 59 لاکھ 48 ہزار 97 افراد گنے گئے ہیں جبکہ میر پور خاص ڈویژن میں 49 لاکھ 34 ہزار 985 افراد کو شمار کیا جاچکا ہے۔ڈائریکٹر شماریات منور گھانگرو کے مطابق اب تک کے اعداد وشمار کے مطابق سندھ کی مجموعی آبادی 5 کروڑ 39 لاکھ سے زائد نفوس پر مشتمل ہے، نئے اعداد و شمار کے مطابق کراچی کی آبادی میں 11 لاکھ سے زائد افراد کا اضافہ ہوگیا ہے۔ کراچی ڈویژن کی اب تک کی آبادی ایک کروڑ 71 لاکھ51 ہزار 798 افراد پر مشتمل ہے۔