عمران خان کی ہدایت پرجماعت اسلامی سے مذاکرات کے لئے پی ٹی آئی کی 3 رکنی کمیٹی قائم

جماعت اسلامی سے مذاکرات کے لئے چئیرمین تحریک انصاف عمران خان کی ہدایت پر پی ٹی آئی نے 3 رکنی کمیٹی قائم کر دی ہے، پی ٹی آئی کی مذاکراتی کمیٹی میں پرویز خٹک، سییٹر اعجاز چوہدری اور میاں محمود الرشید شامل ہیں۔مذاکراتی کمیٹی ملک میں جاری سیاسی بحران پر جماعت اسلامی سے مذاکرات کرے گی، گزشتہ روز سراج الحق کی قیادت میں جماعت اسلامی کے دفد نے پہلے وزیراعظم شہباز شریف اور پھر عمران خان سے ملاقات کی تھی۔ جماعت اسلامی کے وفد کے ساتھ ہونے والی ملاقاتوں میں حکومت اور پی ٹی آئی دونوں نے مذاکرات کے لیے آمادگی کا اظہار کیا تھا۔ذرائع کے مطابق سراج الحق اور عمران خان کے درمیان ہونے والی ملاقات میں یہ بات سامنے آئی ہے کہ حکومت کے ساتھ مذاکرات کی صورت میں عمران خان خود شامل نہیں ہوں گے