سی ٹی ڈی کا مردان میں چھاپہ، ایک دہشتگرد ہلاک، ایک اہلکار شہید

کاؤنٹر ٹیررازم ڈیپارٹمنٹ ( سی ٹی ڈی ) پولیس کی دہشت گردوں کے خلاف کارروائی میں ایک دہشت گرد جہنم واصل جبکہ اہلکار شہید ہو گیا۔سی ٹی ڈی پولیس نے مردان کے علاقہ جہانگیر آباد میں چھاپہ مارا، اس موقع پر مبینہ دہشت گرد اور سی ٹی ڈی اہلکاروں کے مابین فائرنگ کا تبادلہ ہوا۔کاؤنٹر ٹیررازم ڈیپارٹمنٹ کے مطابق فائرنگ سے سی ٹی ڈی پولیس اہلکار شہید ہو گیا جبکہ پولیس کی جوابی فائرنگ سے مبینہ دہشت گرد بھی مارا گیا۔