ایرانی انفرا اسٹرکچر پر حملے کیے گئے تو نتیجہ امریکی حاکمانہ نظام کی تباہی کی صورت میں نکلے گا: محمد مخبر

ایران کے سپریم لیڈر آیت اللّٰہ سید علی مجتبیٰ خامنہ ای کے سینئر مشیر محمد مخبر نے خبردار کیا ہے کہ ایرانی انفرا اسٹرکچر پر حملے کیے گئے تو نتیجہ امریکی حاکمانہ نظام کی تباہی کی صورت میں نکلے گا۔ایک بیان میں سینئر مشیر نے کہا کہ امریکا معاملے کا حساب فوجی توازن سے کرتا ہے جبکہ ایران تاریخ کی منطق سے جواب دیتا ہے۔انہوں نے کہا کہ ایرانی انفرا اسٹرکچر پر حملے کیے گئے تو میدانِ جنگ سے باہر اثرات ہوں گے اور مغربی طاقتوں کی جانب سے ڈھائی سو سال میں بنایا گیا گلوبل آرڈر تباہ کر دیا جائے گا۔محمد مخبر نے کہا کہ جب اس نظام کے ستون ٹوٹیں گے تو نہ قیادت کے لیے نہ تو کوئی کمانڈ سینٹر ہوگا اور نہ لوٹ کے لیے کوئی مارکیٹ بچے گی۔