پاکستان کی سول و عسکری قیادت کی ثالثی کی کوششیں قابل قدر ہیں: ایرانی سفیر

ایرانی سفیر رضا امیری مقدم نے کہا ہے کہ پاکستان کی سول اور عسکری قیادت کی ثالثی کی کوششیں قابل قدر ہیں۔ایکس پر جاری بیان میں رضا امیری مقدم نے کہا کہ چند منٹ قبل، پاکستان کے معزز وزیرِ داخلہ، میرے عزیز بھائی عزت مآب محسن نقوی صاحب نے تہران سے واپسی کے بعد میرے ملک کے حکام کے ساتھ مذاکرات کی کامیابیوں پر مجھے مبارکباد دی۔ا

A few minutes ago, the Honorable Pakistani Minister of Interior, my dear brother H.E. Mohsin Naqvi, congratulated me on the achievements of the negotiations with the officials of my country after returning from Tehran.
With conservative optimism, we can hope that, if the other…

— Reza Amiri Moghadam (@IranAmbPak) May 23, 2026

انہوں نے کہا کہ محتاط امید کے ساتھ ہم یہ توقع کر سکتے ہیں کہ اگر دوسرا فریق مناسب عزم و وابستگی کا مظاہرہ کرے تو ایک مثبت پیشرفت شکل اختیار کر رہی ہے، جو اسلامی جمہوریہ ایران کے وقار پر مبنی مؤقف، بہادر مسلح افواج کی ثابت قدمی، دلیر ایرانی قوم کی مزاحمت، اور پاکستانی ثالثی کی مخلصانہ اور انتھک کوششوں کا نتیجہ ہے۔ایرانی سفیر نے کہا کہ مجھے امید ہے معزز حکومتِ پاکستان اور افواجِ پاکستان، بالخصوص عزت مآب وزیرِ اعظم محمد شہباز شریف، فیلڈ مارشل سید عاصم منیر، چیف آف آرمی سٹاف و چیف آف ڈیفنس فورس، ثالثی کے اس اقدام میں، اور نائب وزیرِ اعظم و وزیرِ خارجہ عزت مآب محمد اسحاق ڈار اور وزیرِ داخلہ عزت مآب محسن نقوی کی مخلصانہ سفارتی کوششیں، خطے میں دیرپا امن کا باعث بنیں گی۔رضا امیری مقدم کا مزید کہنا تھا کہ میں اپنی جانب سے ان سب معزز شخصیات کا ان کی خلوصِ نیت پر مبنی کاوشوں کیلئے دلی اور مخلصانہ شکریہ ادا کرتا ہوں۔