وزیراعظم شہبازشریف کا تین روزہ دورۂ ترکیہ، شیڈول جاری

وزیراعظم شہباز شریف 3 روزہ سرکاری دورے پر ترکیہ جائینگے، جس کا شیڈول جاری کردیا گیا ہے۔ وزیراعظم شہباز شریف کے سرکاری دورے کا آغاز 24 نومبر بروز جمعرات سے ہو گا۔سرکاری ذرائع کا کہنا ہے کہ وزیراعظم دورے کے دوران ترک قیادت سے ملاقاتیں کریں گے، ترک قيادت سے ملاقاتوں ميں دو طرفہ تجارتی امور پر بھی تبادلہ خیال ہوگا۔وزیراعظم شہباز شریف کو دورہ ترکیہ کی دعوت ترک صدر رجب طیب اردوگان کی جانب سے دی گئی تھی، حکومتی ذرائع کے مطابق وزیراعظم ترک ہم منصب، ترکیہ میں بزنس کمینوٹی سے بھی ملاقاتیں کریں گے، وزیراعظم روانگی سے قبل ہی اہم تعیاناتی کا فیصلہ کر کے ترکیہ روانہ ہونگے۔وزیراعظم پاک ترک تعاون سے تیار بحری جہاز سمندر میں اتارنے کی تقریب میں بھی شرکت کریں گے، سفارتی ذرائع کے حوالے سے بتایا گیا ہے کہ وزیراعظم دورہ ترکیہ میں پاکستان نیوی کی ترکیہ کے تعاون سے بنائے گئے فریگیٹ کا افتتاح کریں گے، فریگیٹ کا افتتاح وزیراعظم اور ترک صدر مشترکا طور پر کریں گے۔