شادی کے اسٹیج پر تہلکہ: دلہن نے دولہے کی سابقہ گرل فرینڈ کو پٹک دیا

انڈونیشیا میں ایک شادی کی تقریب اس وقت ڈرامے میں بدل گئی جب فوٹو سیشن کے دوران دولہے کی سابقہ گرل فرینڈ اچانک اسٹیج پر آ گئی۔عینی شاہدین کے مطابق، خاتون نے دلہن کی موجودگی میں دولہے کے ہاتھ کو چومنے کی کوشش کی، جس سے محفل میں کھلبلی مچ گئی اور مہمان حیران رہ گئے۔صورتحال اس وقت قابو میں آئی جب دلہن نے فوری، پُراعتماد اور جرات مندانہ ردِعمل دیتے ہوئے مداخلت کی اور واضح کر دیا کہ شادی کے اس مقدس لمحے میں کسی غیر متوقع حرکت کی کوئی گنجائش نہیں۔یہ واقعہ کیمرے کی آنکھ سے اوجھل نہ رہ سکا اور ویڈیو سوشل میڈیا پر تیزی سے وائرل ہو گئی۔کچھ صارفین دلہن کے مضبوط مؤقف کو سراہ رہے ہیں، جبکہ دیگر اسے شادی کے آداب کی سنگین خلاف ورزی قرار دے رہے ہیں۔ ایک خوشی کا لمحہ، ایک غیر متوقع موڑ اختیار کر گیا اور یہ شادی اب سوشل میڈیا کی سب سے زیادہ زیرِ بحث کہانی بن چکی ہے۔