چینیوں کا مذاق اڑانا مہنگا پڑگیا، مِس فن لینڈ سے تاج واپس لے لیا گیا

خبر ایجنسی کے مطابق تھائی لینڈ میں گزشتہ ماہ منعقد ہونے والے مس یونیورس مقابلے میں فن لینڈ کی نمائندگی کرنے والی 22 سالہ مس فن لینڈ سارہ دزافسے نے اپنی ایک تصویر سوشل میڈیا پر پوسٹ کی تھی جس میں انہوں نے اپنی دونوں آنکھوں کو کنارے سے کھینچ رکھا تھا اور کیپشن میں لکھا کہ  ایک چینی کے ساتھ کھانا کھاتے ہوئے ۔

سارہ کی اس نسل پرستانہ پوسٹ پر انہیں سخت تنقید کا سامنا کرنا پڑا اور جاپان، جنوبی کوریا اور چین میں شدید ردعمل سامنے آیا، سارہ دزافسے نے اپنی اس حرکت پر معذرت بھی کی تاہم اسے ناکافی قرار دے کر ان سے مس فن لینڈ کا تاج واپس لے لیا گیا۔

فن لینڈ کے وزیراعظم نے اس معاملے پر ردعمل دیتے ہوئے کہا کہ یہ غیر سوچا سمجھا اور احمقانہ عمل تھا اور اس کے نتیجے میں پیدا ہونے والا تنازع ملک کیلئے نقصان دہ ثابت ہوا ہے۔

مس فن لینڈ کی تنظیمی کمیٹی نے بھی سارہ کے اس عمل کی مذمت کرتے ہوئے کہا کہ نسل پرستی کسی بھی شکل میں برداشت نہیں کی جائے گی۔