وزیراعظم شہباز شریف وفد کے ہمراہ سعودی عرب کے دورے پر روانہ

وزیرِ اعظم شہباز شریف اعلیٰ سطح وفد کے ہمراہ سعودی عرب کے 3 روزہ دورے پر روانہ ہو گئے۔وفد میں نائب وزیرِ اعظم اسحاق ڈار، وفاقی وزراء اور سینئر حکام شامل ہیں۔دورے کے دوران وزیرِ اعظم کی سعودی ولی عہد محمد بن سلمان سے ملاقات شیڈول ہے۔دونوں رہنما تجارت کے فروغ، شراکت داری،اقتصادی تعاون بڑھانے پر تبادلۂ خیال کریں گے۔دورے کا مقصد دو طرفہ تعلقات مضبوط بنانا، اقتصادی تعاون کو فروغ دینا اور سرمایہ کاری کے مواقع بڑھانا ہے