برسلز میں پولیس ٹیم پرحملہ،پولیس اہلکاراورحملہ آور ہلاک

بیلجیئم کے دارالحکومت برسلز میں نارتھ ریلوے اسٹیشن کے علاقے میں سکیورٹی پر مامور گشت کرنے والے پولیس اہلکاروں پر حملہ آور نے چاقو سے حملہ کیا جس کے بعد دیگر پولیس اہلکاروں نے حملہ آور پر فائرنگ کردی۔

میڈیا رپورٹس کے مطابق چاقو کے حملے سے دو پولیس اہلکار شدید زخمی ہوئے جنہیں فوری طبی امداد کے لیے اسپتال منتقل کیا گیا جہاں ایک پولیس اہلکار دم توڑ گیا جب کہ پولیس فائرنگ سے زخمی ہونے والا حملہ آور بھی اسپتال میں چل بسا۔پولیس کے مطابق حملہ آور کو ٹانگ اور پیٹ میں گولیاں لگیں اس حوالے سے تحقیقات جاری ہیں، جب کہ حملے کی وجہ فوری طور پر سامنے نہیں آسکی