جے یو آئی نے سوسائٹیز رجسٹریشن ترمیمی بل پر صدر کے اعتراضات مانگ لئے

اپوزیشن جماعت جمعیت علمائے اسلام (جے یو آئی- ف) نے سوسائٹیز رجسٹریشن ترمیمی بل پر صدرِ مملکت آصف علی زرداری کے اعتراضات مانگ لیے۔اس حوالے سے جے یو آئی ف کے قانونی مشیر سینیٹر کامران مرتضیٰ نے اسپیکر قومی اسمبلی ایاز صادق کو خط لکھ دیا ہے۔خط میں لکھا گیا ہے کہ ہمیں صدرِ مملکت آصف زرداری کی طرف سے اٹھائے گئے اعتراضات کی نقول فراہم کی جائیں۔سینیٹر کامران مرتضیٰ نے خط میں لکھا ہے کہ اسپیکر کی جانب سے ان اعتراضات کو ایڈریس کرنے کے لیے کیے گئے اقدامات سے بھی آگاہ کیا جائے۔واضح رہے کہ اس بل کے تحت ہی پارلیمنٹ میں دینی مدارس کی رجسٹریشن کی منظوری دی تھی