ایگزیکٹ کنٹرول لسٹ کی سربراہی : اعظم تارڑ آؤٹ، ایاز صادق اِن

مسلم لیگ نواز کے ناراض رہنما اور سابق وفاقی وزیر قانون سینیٹر اعظم نذیر تارڑ کو ای سی ایل کمیٹی کی سربراہی سے بھی فارغ کردیا گیا۔ وفاقی وزیر ایاز صادق کو کابینہ ای سی ایل کمیٹی کم کنوینئر مقرر کردیا گیا ہے، کابینہ نے ای سی ایل کمیٹی کی تشکیل نو کی منظوری بھی دے دی، وفاقی کابینہ سے سرکولیشن کے ذریعے منظوری لی گئی۔اس حوالے سے ذرائع کی جانب سے مزید بتایا گیا کہ ای سی ایل ذیلی کمیٹی میں وفاقی وزیر تجارت نوید قمر، وزیر مواصلات اسعد محمود اور وزیر اطلاعات مریم اورنگزیب کمیٹی ارکان میں شامل ہیں۔خیال رہے کہ اعظم تارڑ کو قانون سازی سے متعلق کمیٹی کے چیئرمین کے عہدے سے بھی فارغ کیا جاچکا ہے۔