اسپیکر نے فائنانس ترمیمی بل 2024 صدرِ مملکت کو بھجوادیا

قومی اسمبلی کے اسپیکر نے فائنانس ترمیمی بل 2024 صدر مملکت آصف علی زرداری کو بھجوادیا ہے۔ صدرمملکت کی توثیق کے بعد فائنانس ترمیمی بل یکم جولائی سے نافذ ہوگا۔پارلیمانی ذرائع کے مطابق بل اورمتعلقہ دستاویزات پر وزیر اعظم شہباز شریف کے بھی دستخط ثبت ہیں۔ ذرائع کہتے ہیں کہ بل پر صدر مملکت کی طرف سے آج دستخط کیے جانے کا امکان ہے۔صدر کی توثیق کے بعد فائنانس ترمیمی بل یکم جولائی سے نافذ ہوجائے گاجبکہ بعض ٹیکس اقدامات 16 جون سے نافذ ہوں گے۔ قومی اسمبلی نے متعدد ترامیم کے ساتھ فائنانس بل 2024 گزشتہ روز منظور کرلیا تھا۔