لاہور میں مبینہ پولیس مقابلہ : 2 ڈاکو ہلاک

صوبائی دارالحکومت لاہور میں مبینہ پولیس مقابلے کے دوران دو ڈاکو ہلاک ہوگئے۔لاہور پولیس کے مطابق مانگا منڈی کے قریب ملزمان کی گرفتاری کے لئے پولیس ٹیم نے خفیہ اطلاع پر چھاپہ مارا تو ملزمان نے اندھا دھند فائرنگ شروع کر دی۔پولیس نے بتایا کہ جوابی فائرنگ کے نتیجے میں دو ملزمان ہلاک ہوگئے جن کی لاشوں کو پوسٹ مارٹم کے لئے ہسپتال منتقل کر دیا گیا ہے۔پولیس نے مزید بتایا کہ ہلاک ہونے والے دونوں ڈاکو قتل اور ڈکیتی کی متعدد وارداتوں میں مطلوب تھے