ارشد شریف قتل کیس سماعت کیلئے مقرر کر دیا گیا

صحافی ارشد شریف قتل کیس سپریم کورٹ آف پاکستان نےسماعت کیلئے مقرر کر دیا، ‏چیف جسٹس عمر عطا بندیال کی سربراہی میں پانچ رکنی لارجر بینچ 13 جون کو سماعت کرے گا، اس حوالے سے اٹارنی جنرل، وزارت خارجہ اور جے آئی ٹی کو نوٹس جاری کر دئیے گئے ہیں۔‏سپریم کورٹ نے گزشتہ 9 مئی کی سماعت کو پیشرفت رپورٹ طلب کرتے ہوئے سماعت ملتوی کی تھی، ‏چیف جسٹس عمر عطا بندیال نے ارشد شریف کے قتل پر 6 دسمبر کو ازخود نوٹس لیا تھا۔