پی ٹی آئی سے پارلیمنٹ لاجزخالی کروائیں، ورنہ قانونی کارروائی کی جائے، قومی اسمبلی سیکرٹریٹ کا سی ڈی اے کو خط

تحریک انصاف کے مستعفی ہونے والے تمام اراکین کے خلاف سخت کارروائی کا فیصلہ کرتے ہوئے قومی اسمبلی سیکرٹریٹ نے سی ڈی اے کو مستعفی پی ٹی آئی ارکان سے لاجزخالی کرانے کے لیے خط لکھ دیا۔ پی ٹی آئی ارکان کے استعفوں کے بعد قومی اسمبلی سیکرٹریٹ ارکان سے لاجزخالی کرانے کے لیے متحرک ہوگیا ہے۔قومی اسمبلی سیکرٹریٹ نے سی ڈی اے کو خط لکھ دیا ہے جس میں مستعفی پی ٹی آئی ارکان سے لاجز خالی کرانے کی ہدایت کی گئی ہے۔ پی ٹی آئی ارکان کو رہائش گاہیں خالی کرانے کیلئے ایک ہفتے کی مہلت دیدی گئی ہے اور پارلیمنٹ لاجز میں مستعفی ارکان کو بقایا جات کی فوری ادائیگی کیلئے نوٹس جاری کرنے کا فیصلہ کیا گیا ہے۔