خواتین ممبران اسمبلی کو غائب کرنے کی مبینہ آڈیو، چوہدری شجاعت حسین کے بھائی اور بھتیجے کے خلاف دہشت گردی کا مقدمہ درج

مسلم لیگ ق کے سربراہ چوہدری شجاعت حسین کے بھائی چوہدری وجاہت حسین اور ان کے بیٹے موسیٰ الٰہی کے خلاف خواتین ایم پی ایز کو غائب کرنے کی مبینہ آڈیو پر لاہور میں مقدمہ درج کر لیا گیا۔

چند روز قبل وجاہت حسین کی اپنے بیٹے موسیٰ الٰہی کے ساتھ گفتگو کی مبینہ آڈیو سوشل میڈیا پر وائرل ہوئی تھی جس میں دونوں شہباز شریف کے خلاف عدم اعتماد کے معاملے پر ایک خاتون رکن اسمبلی کو غائب کرنے کی بات کر رہے تھےپولیس کے مطابق ایک شہری کی جانب سے وجاہت حسین اور ان کے بیٹے موسیٰ الہیٰ کے خلاف تھانہ غالب مارکیٹ لاہور میں مقدمہ درج کرایا گیا ہے۔پولیس کا کہنا ہے کہ مقدمے میں دہشتگردی اور ٹیلی گراف ایکٹ کی دفعات شامل کی گئی ہیں، سوشل میڈیا پر وائرل آڈیو میں خواتین ایم پی ایز کو غائب کرنے کی گفتگو کی گئیں۔ایف آئی آر کے متن میں کہا گیا ہے آڈیو کے بعد موسیٰ الٰہی کوٹلہ ارب علی خان میں مسلح ہو کر لوگوں کو ڈراتا رہا، دونوں نے سوچی سمجھی سازش کے تحت ارکان اسمبلی کو غائب کرنے کا منصوبہ بنایا