کروناوائرس صرف پھیپھڑوں پر نہیں پورے انسانی اعضاء پر اثرانداز ہوتا ہے،پوسٹمارٹم رپورٹ میں انکشاف

ماہرین نے اپنی تحقیق کے دوران ایسے افراد کا پوسٹ مارٹم کیا ہے جو کورونا وائرس سے جاں بحق ہوئے تھے اور اس کے حیران کن نتائج سے معلوم ہوتا ہے کہ وائرس صرف پھیپھڑوں پر ہی نہیں بلکہ پورے جسم پر منفی اثرات مرتب کرتا ہے اور اس سے دل، تلی، گردے، جگر، بڑی آنت، چھاتی، عضلات، اعصاب، تولیدی نالی، آنکھ ، اور دماغ متاثر پائے گئے ہیں۔ماہرین نے ایک مخصوص پوسٹ مارٹم کا حوالہ پیش کیا ہے جس میں بتایا گیا ہے کہ ایک مردہ مریض کے دماغ میں کورونا وائرس مریض میں پہلی مرتبہ وائرس کی علامات ظاہر ہونے کے 230؍ دن بعد ملا۔ امریکا کے نیشنل انسٹی ٹیوٹ آف ہیلتھ کے محققین نے اپنی رپورٹ میں بتایا ہے کہ اعداد و شمار سے پتہ چلتا ہے کہ کچھ مریضوں میں کورونا وائرس منظم انداز سے انفیکشن کا سبب بن سکتا ہے اور کئی مہینوں تک جسم میں رہ سکتا ہے