گوادر میں حق دوتحریک کے مشتعل ہجوم کی فائرنگ، کانسٹیبل شہید

گوادر میں حق دو تحریک کے دھرنے کے مشتعل ہجوم کی فائرنگ سے پولیس کانسٹیبل یاسر شہید ہو گیا۔ترجمان بلوچستان پولیس کے مطابق گوادر میں دھرنے کے مشتعل ہجوم نے ان کی حفاظت پر مامور پولیس اہلکاروں پر فائرنگ کی، گولی لگنے سے پولیس کانسٹیبل یاسر شہید ہو گیا۔وزیراعلیٰ بلوچستان نے ملوث ملزمان کی گرفتاری کے لیے اسپیشل ٹیم تشکیل دینے کا حکم دے دیا ہے جبکہ وزیر داخلہ بلوچستان ضیا اللہ لانگو نے حق دوتحریک کے سربراہ کے خلاف مقدمہ درج کرنے کی ہدایت دے دی ہے۔دوسری جانب کوسٹل ہائی وے پر اور ماڑہ کے مقام پر حق دو تحریک کا دھرنا اور احتجاج کئی گھنٹے بعد ختم ہو گیا جس کے بعد ٹریفک بحال کر دی گئی