گورنرپنجاب نے وزیراعلیٰ پنجاب چوہدری پرویز الٰہی کو ڈی نوٹیفائی، کابینہ تحلیل کردی،نوٹیفکیشن جاری

گورنر پنجاب کےتحریری احکامات کے باوجود وقت پر پنجاب اسمبلی سے اعتماد کا ووٹ نہ لینے پر وزیر اعلٰی پنجاب چوہدری پرویز الہٰی کو ڈی نوٹیفائی کر دیا گیا۔ گورنر پنجاپ بلیغ الرحمان نے وزیر اعلٰی پنجاب چوہدری پرویز الہٰی کو ڈی نوٹیفائی کیا جس کا نوٹیفیکشن جاری کردیا گیا ہے۔گورنر پنجاب نے وزیراعلٰی کو اعتماد کا ووٹ لینے کا کہا تھا، پرویز الٰہی نےمقررہ دن اور وقت پراعتماد کا ووٹ لینے سےگریزکیا گورنر پنجاب کیجانب سے جاری نوٹیفکیشن میں وزیر اعلیٰ پنجاب کے ساتھ ساتھ انکی کابینہ کو بھی تحلیل کر دیا گیا ہے، تاہم گورنر پنجاب کی جانب سے کہا گیا ہے کہ وزیر اعلیٰ پنجاب چوہدری پرویز الٰہی نئے قائد ایوان کے منتخب ہونے تک بطور قائم مقام وزیر اعلیٰ کام جاری رکھیں گے