awareinternational A Credible Source Of News
پاکستان انگلینڈ ٹیسٹ سیریز، ملتان ٹیسٹ میں پہلے دن کے اختتام پر پاکستان نے اپنی پہلی اننگ میں 2 وکٹوں کے نقصان پر 107 رنز بنالیے۔بابراعظم61 اور سعود شکیل 32 رنزکے ساتھ وکٹ پرموجود ہیں، انگلینڈ کی برتری ختم کرنے کیلئے مزید 174 رنز درکار ہیں۔انگلینڈ کیخلاف دوسرے ٹیسٹ میں ڈیبیو کرنے والے پاکستانی باؤلر ابرار احمد نے پہلے ہی میچ میں 7 وکٹیں لیں، انگلینڈ کی ٹیم پہلی اننگ میں 281 رنز بناکر آوٹ ہوگئی۔ملتان کرکٹ اسٹیڈیم میں دوسرے ٹیسٹ میچ کی پہلی اننگز میں انگلینڈ کی پوری ٹیم 51.4 اوورز میں281 رنز بناکر آؤٹ ہوگئی، زاہد محمود نے 3 کھلاڑیوں کو پویلین کی راہ دکھائی۔ابرار احمد نے 167 رنز پر انگلینڈ کی آدھی ٹیم کو پویلین بھیج دیا تھا۔ملتان ٹیسٹ کے پہلے روز کھانے کے وقفے تک انگلینڈ نے 5 وکٹوں پر180رنز بنائے تھے، لیگ اسپنر ابرار احمد کی گھومتی گیندوں نے انگلش بلے بازوں کو گھما کر رکھ دیا۔ابراراحمد نے پہلے ہی سیشن میں ڈیبیو پر5 وکٹیں لینے والے تیرہویں پاکستانی بولر ہیں۔محمد زاہد، نذیر احمد، بلال آصف، عارف بٹ، تنویر احمد نے بھی ڈیبیو پر پانچ وکٹیں لی تھیں، شاہد آفریدی، شاہد نذیر، وہاب ریاض، یاسرشاہ، شبیراحمد، محمد سمیع اور نعمان علی بھی ڈیبیو پر 5 شکارکرچکے ہیں۔انگلینڈ کی پہلی وکٹ 38 رنزپر زیک کرالی کی گری جنہوں نے 19 رنز بنائے، بین ڈکٹ 63، اولی پوپ 60، جو روٹ 8 اور ہیروی بروک صرف 9 رنز ہی بناسکے۔بین اسٹوکس 30 اور ول جیکس 31 رنز بناکر ابرار احمد کا شکار بنے۔جمعہ کو شروع ہونے والے پاکستان اور انگلینڈ کے مابین دوسرے ٹیسٹ میچ کیلئے انگلینڈ کی ٹیم میں ایک تبدیلی کی گئی ہے اور مارک ووڈ کی ٹیم میں واپسی ہوئی ہے۔پاکستانی ٹیم میں تین تبدیلیاں کی گئی ہیں، اظہرعلی کو دوسرے ٹیسٹ سے ڈراپ کردیا گیا ہے، فاسٹ بولر نسیم شاہ کو بھی دائیں کندھے میں درد کے باعث آرام کرایا گیا ہے اور حارث رؤف کی جگہ فہیم اشرف کو پلیئنگ الیون کا حصہ بنایا گیا ہے۔محمد نواز بھی کو پلیئنگ الیون میں شامل کیا گیا ہے جب کہ اسپنر ابرار احمد نے بھی اپنا ٹیسٹ ڈیبیو کیا ہے۔واضح رہے کہ ملتان کرکٹ اسٹیڈیم 16سال بعد ٹیسٹ میچ کی میزبانی کررہا ہے
