فیفا فٹبال ورلڈ کپ : ویلز کےخلاف ایران کی فتح، ایران نےخوشی میں 700قیدی رہاکردئیے

فیفا فٹبال ورلڈکپ میں ویلز کے خلاف دو صفر سے کامیابی کے بعد ایران نے 700 سے زائد قیدی رہا کردیے۔ غیر ملکی میڈیا رپورٹس کے مطابق ایران کی عدلیہ کے آن لائن پورٹل میزان پر اعلان کیاگیا کہ جمعہ کو ورلڈکپ میں ایران کی ویلز کے خلاف شاندار فتح کے بعد ملک کی مختلف جیلوں میں قید تقریباً 700 سے زائد قیدیوں کو رہا کردیا گیا۔رپورٹس کے مطابق رہا کردہ کچھ قیدیوں میں حال ہی میں ایران میں جاری مظاہروں میں گرفتار کیے گئے افراد بھی شامل ہیں۔اس کے علاوہ ایرانی حکام کی جانب سے مزید کوئی معلومات شیئر نہیں کی گئیں۔واضح رہے کہ جمعہ کو فٹبال ورلڈ کپ کے گروپ بی کے میچ میں ایران نے سنسنی خیز مقابلے کے بعد ویلز کو شکست دی تھی