امریکی حملے میں وینزویلا میں کم از کم 40 افراد ہلاک، سینکڑوں شدید زخمی

وینزویلا کے ایک سرکاری عہدیدار کے مطابق امریکی حملے میں ملک بھر میں کم از کم 40 افراد ہلاک ہو گئے ہیں، جن میں فوجی اہلکاروں کے ساتھ عام شہری بھی شامل ہیں۔ عہدیدار نے نائب صدر ڈیلسے روڈریگز کے اس بیان کی تصدیق کی ہے جس میں جانی نقصان کی تعداد بتائی گئی تھی۔حکام کا کہنا ہے کہ حملے کے نتیجے میں متعدد مقامات پر شدید نقصان ہوا، جبکہ زخمیوں کی تعداد اس سے کہیں زیادہ بتائی جا رہی ہے۔ وینزویلا کی حکومت نے اس کارروائی کو ملکی خودمختاری کی کھلی خلاف ورزی قرار دیتے ہوئے عالمی برادری سے فوری نوٹس لینے کا مطالبہ کیا ہے۔ دوسری جانب، اس واقعے پر بین الاقوامی سطح پر تشویش کا اظہار کیا جا رہا ہے، تاہم آزاد ذرائع سے تاحال نقصانات کی مکمل تصدیق نہیں ہو سکی۔