عمران خان پر حملہ ،ارشد شریف قتل،جوڈیشل کمیشن بنانے پر اگلے 24 گھنٹوں میں پیش رفت کا امکان

وزیر آباد میں چئیرمین تحریک انصاف عمران خان پر حملے اور صحافی ارشد شریف کے قتل پر جوڈیشل کمیشن بنانے سے متعلق وزیراعظم کے خطوط پر چیف جسٹس کی ساتھی ججز کے ساتھ مشاورت حتمی مراحل میں داخل ہوگئی ہے۔ذرائع کے مطابق چیف جسٹس نے اسلام آباد میں موجود تمام ججز سے مشاورت کا عمل مکمل کر لیا ہے، وزیراعظم کو خطوط کا جواب دو سے تین دن میں دیا جائے چیف جسٹس کی جسٹس فائز عیسیٰ اور جسٹس عائشہ ملک کے ساتھ پیر کو مشاورت ہوگی، جسٹس فائز عیسیٰ اسلام آباد سے اور جسٹس عائشہ ملک پاکستان سے باہر تھے تاہم دونوں ججز کل واپس پہنچ گئے ہیں آج پیر سے مقدمات کی سماعت کریں گے۔نئے تعینات ہونے والے ججز سے بھی پیر کو ہی مشاورت کا امکان ہے، مشاورت کا عمل مکمل ہونے پر چیف جسٹس وزیراعظم کے خطوط کا جواب دیں گے