ملک بھر میں یومِ شہادتِ حضرت علی علیہ السلام کے جلوس برآمد

Share

ملک بھر میں آج دامادِ رسول حضرت علی علیہ السلام کا یومِ شہادت نہایت عقیدت و احترام کے ساتھ منایا جا رہا ہے، اس موقع پر ملک بھر کے چھوٹے بڑے شہروں میں اسی مناسبت سے جلوس نکالے جا رہے ہہیں. کراچی میں یوم علی علیہ السلام کے سلسلے میں مرکزی جلوس نمائش چورنگی سے نکالا گیا ہے۔ یوم علیؓ کے جلوس کی مرکزی مجلس سے علامہ ریحان حیدر رضوی خطاب کریں گے، جس کے بعد مرکزی جلوس نشتر پارک سے بوتراب اسکاؤٹس کی قیادت میں برآمد ہو گا. جلوس کے شرکاء ایم اے جناح روڈ پر امام بارگاہ علی رضا کے سامنے نمازِ ظہر ادا کر رہے ہیں۔مرکزی جلوس روایتی راستوں سے ہوتا ہوا امام بارگاہ حسینیہ ایرانیاں کھارادر پر اختتام پزیر ہو گا۔جلوس کی سیکیورٹی کے لیے پولیس اور رینجرز اہلکار تعینات ہیں، داخلی اور خارجی راستوں پر واک تھرو گیٹس، شرکاء کی جامع تلاشی کے لیے بم ڈسپوزل اسکواڈ اور اسپیشل برانچ کے اہلکار تعینات ہیں۔ جلوس کی گزرگاہ کی طرف آنے والی گلیوں اور سڑکوں کو کنٹینر لگا کر بند کیا گیا ہے، کمانڈ اینڈ کنٹرول روم سے سی سی ٹی وی کی مدد سے جلوس کی نگرانی بھی کی جا رہی ہے۔یومِ علیؓ کے جلوس کے موقع پر ایم اے جناح روڈ گرومندر سے ٹاور تک ٹریفک کے لئے بند ہوگی، ناظم آباد سے آنے والا ٹریفک گارڈن جبکہ لیاقت آباد سے آنے والے ٹریفک کو تین ہٹی، لسبیلہ اور سینٹرل جیل موڑا جائے گا۔ حسن اسکوائر سے پی پی چورنگی جانے والے ٹریفک کشمیر روڈ بھیجا جائے گا، شاہراہ قائدین سے بھی ٹریفک کشمیر روڈ بھیجا جائے گا ۔ کمشنر کراچی کی جانب سے بھی یومِ علی علیہ السلام کے موقع پر کراچی ڈویژن میں دفعہ 144 کے تحت موٹرسائیکل کی ڈبل سواری پر پابندی عائد کی گئی ہے. ملتان میں یوم علی علیہ السلام کے موقع پر مرکزی جلوس امام بارگاہ ناصرآباد سے برآمد ہوگا جبکہ جلوس چوک گھنٹہ سے ہوتے ہوئے نمازِ مغرب کے بعد آستانہ لال شاہ پہنچ کر اختتام پذیر ہوگا۔لاہور میں بھی یوم شہادت حضرت علی علیہ السلام کا جلوس چوک رنگ محل سے پانی والا تالاب کی طرف روانہ ہو گیا ، اس موقع پر سیکیورٹی کے سخت انتظامات کیے گئے ہیں۔جلوس ترنم سینما، چوک فقیر خانہ، بازار حکیماں ، اندرون بھاٹی گیٹ سے ہوتا ہوا کربلا گانے شاہ پہنچے گا۔جلوس کے شرکاء نے رنگ محل چوک میں نماز ظہرین ادا کی۔گلگت میں یوم شہادت حضرت علیؓ کا مرکزی جلوس امام بارگاہ قاسم پورہ سے برآمد ہوگا، جلوس اپنے مقررہ راستوں سے ہوتا ہوا مرکزی امامیہ جامع مسجد پہنچ کر اختتام پذیر ہوگا

Leave a Reply

Your email address will not be published. Required fields are marked *

Skip to toolbar