امریکہ، چائلڈ کیئر سینٹر میں زہریلی گیس کا اخراج،متعدد بچوں کی حالت غیر

امریکا کے ایک چائلڈ کیئر سینٹر میں زہریلی گیس کے اخراج کے باعث اساتذہ سمیت درجنوں بچوں کی طبیعت ناساز ہونے پر انہیں اسپتال منتقل کردیا گیا۔میڈیا رپورٹس کے مطابق یہ واقعہ امریکی ریاست پنسلوانیا میں پیش آیا جہاں زہریلی گیس کاربن مونو آکسائیڈ کا اخراج ہوا جس کے باعث درجنوں بچوں اور اساتذہ کی حالت غیر ہوگئی۔چائلڈ کیئر عملے اور بچوں میں زہریلی گیس کی علامات ظاہر ہونے کی اطلاعات ملتے ہی ایمرجنسی نافذ کردی گئی تھی اور عملے کے 8 ارکان کے علاوہ 25 بچوں کو فوری طبی امداد کے لیے اسپتال منتقل کیا گیا۔بعد ازاں ریسکیو کے عملے نے چائلڈ کیئر کی بلڈنگ کا معائنہ کرنے کے بعد اسے کلیئر قرار دے دیا