شوہر نے 2 بیویوں اور 4 بچوں کو قتل کر کے خودکشی کر لی

Share

فیصل آباد کے علاقے گلشن مدینہ کالونی میں شہری نے فائرنگ کر کے اہل خانہ کو قتل کیا اور پھر خودکشی کر لی۔پولیس کے مطابق شہری کی شناخت 50 سالہ جواد عمر کے نام سے ہوئی جس نے اپنی دو بیویوں، تین بیٹیوں اور ایک بیٹے کو فائرنگ کر کے قتل کیا اور بعد میں اپنی جان لے لی،آوئیرانٹرنیشنل رپورٹ کے مطابق جواد عمر نے گھریلو جھگڑے سے تنگ آ کر اہل خانہ کو قتل کر کے انتہائی قدم اٹھایا۔سی پی او کامران عادل نے اپنے بیان میں کہا کہ 6 افراد کے قتل اور خودکشی کی تمام پہلوؤں سے تحقیقات جاری ہے، واقعہ کی مکمل تفتیش کر کے جلد حقائق سامنے لائیں گے۔کامران عادل نے کہا کہ ابتدائی تحقیقات کے مطابق ملزم نے قتل کے بعد خودکشی کی، پولیس اور فرانزک ٹیمیں ثبوت جمع کر رہی ہیں۔مارچ میں پاکپتن تھانے چکبیدی کے علاقے اسد اللہ پور میں ایسا ہی ایک افسوسناک واقعہ پیش آیا تھا جہاں گھریلو جھگڑے پر شوہر نے چھرے کے وار سے بیوی کا گلا کاٹ کر اپنے پیٹ میں چھرا گھونپ کر خودکشی کر لی تھی۔30 سالہ فوزیہ بی بی گھر میں سو رہی تھی کہ گھریلو جھگڑے کی رنجش پر شوہر شوکت علی نے تیز دھار چھرے سے اس کا گلہ کاٹ دیا تھا۔ مقتولین کی 16 سال قبل شادی ہوئی تھی اور 6 بچوں کے والدین تھے۔

Leave a Reply

Your email address will not be published. Required fields are marked *

Skip to toolbar