بجلی تقسیم کار کمپنیوں کے مطالبے پر بجلی کی قیمت میں اضافے کا امکان

بجلی تقسیم کار کمپنیوں کی جانب سے دائر کی گئی درخواست پر2 روپے 94 پیسے فی یونٹ اضافے کا فیصلہ محفوظ کرلیا گیا۔ آویئرانٹرنیشنل کے مطابق اضافہ مارچ کے فیول پرائس ایڈجسٹمنٹ کی مد میں مانگا گیا۔ دوران سماعت ممبرنیپرا بولے کہ سستے پلانٹس بند ہیں اور مہنگے چلائے جارہے ہیں۔چیئرمین نیپرا نے سی پی پی اے کی بجلی کی قیمتوں میں اضافے کی درخواست پر سماعت کی۔این ٹی ڈی سی حکام نے بتایا کہ مارچ میں 8 فیصد متوقع ہدف سے بجلی کم استعمال ہوئی ، شمال جنوب ٹرانسمشن سسٹم پر موسمی اثرات مرتب ہوئے۔انھوں نے بتایا کہ ہائیڈل اور نیوکلیئر سے پیداوار زیادہ رہی، سولرائزیشن کا امپیکٹ بھی سسٹم پر آرہا تھا۔ممبر نیپرا رفیق شیخ نے کہا کہ نیٹ میٹرنگ اور سولرسسٹم آج سے نہیں گزشتہ تین چار سال سے ہورہی ہے۔پاورڈ ویژن حکام نے بتایا کہ بجلی کی طلب میں مجموعی طورساڑھے سات فیصد کمی ہوئی، نیٹ میٹرنگ سے 55 ملین یونٹس بجلی خریدی گئی۔ممبرنیپرا بولے کہ کئی بار کہہ چکے ہیں طلب بڑھانےکیلئے کچھ کیا جائے، طلب بڑھانے کیلئے اقدامات لینا ہوں گے، سستے پلانٹس بند ہیں اور مہنگے چلائے جارہے ہیں اصل بات بتائیں، مہنگے پلانٹس کے بوجھ سے بھی صارفین متاثرہوتے ہیں۔دلائل مکمل ہونے پر بجلی کی قیمت میں اضافے سے متعلق درخواست پر فیصلہ محفوظ کرلیا گیا۔ نیپرا حکام نے بتایا کہ قیمتوں میں اضافے سے متعلق فیصلہ نوٹیفکیشن کی صورت میں جاری ہوگا۔