وزیرقانون نے ٹیکس قوانین میں ترمیم ایوان میں پیش کر دی

ٹیکس قوانین میں ترمیم سے متعلق بل 2024 قومی اسمبلی میں پیش کیا گیا، بل وزیر خزانہ کی جانب سے وزیر قانون اعظم نزیر تارڑ نے پیش کیا۔وزیر قانون کے مطابق کسی بھی ملک کی معیشت کو چلانے کے لیے ٹیکس وصولی بہتر ہونا ضروری ہے۔انہوں نے بل سے متعلق اظہار خیال کرتے ہوئے بتایا کہ ہماری ٹیکس وصولی بین الاقوامی معیار سے بہت کم ہے۔ٹیکس دہندگان کی شکایات کا بھی جائزہ لے رہے ہیں۔اعظم نزیر تارڑ نے بتایا کہ تقریباً 2700 ارب کے معاملات اس وقت عدالتوں میں زیل التوا ہیں۔ٹیکس وصولی بہتر بنانے کے لیے ٹیکس قوانین میں اصلاحات ضروری ہیں انہوں نے بتایا کہ ہمارے ملک میں ان لینڈ ٹریبونلز میں 72 ہزار کیسز زیرالتوا ہیں ہم ٹریبونلز کی تعداد 20 سے بڑھا کر 35 تک کرنا چاہتے ہیں، ٹیکس قوانین میں ترمیم بل پر اسپیکر نے کہا کہ بل پر مشاورت کے لئے غیررسمی بات چیت کی جائے گی جبکہ بیرسٹر گوہر کا کہنا تھا کہ بل متعلقہ قائمہ کمیٹی میں جانا چاہئیے، جس پر وزیرقانون نے کہا کہ یہ سب کام ملکی مفاد اور بہتری کے لئے ہے