عدالت نے بشریٰ بی بی کا طبی معائنہ کروانے کا حکم دے دیا

احتساب عدالت کے جج ناصر جاوید رانا نے 190 ملین پاؤنڈ اسکینڈل ریفرنس کی سماعت کے دوران بشریٰ بی بی کا طبی معائنہ کروانے کا حکم دے دیا، کیس کی سماعت کے دوران نیب کی جانب سے آج مزید 9 گواہان کو پیش کیا گیا، مجموعی طور پر نیب کے 15 گواہان کے بیانات قلمبند 13 پر پر جرح مکمل کرلی گئی۔دوران سماعت بانی پی ٹی آئی اور بشریٰ بی بی کمرہ عدالت میں موجود تھے، نیب کے ڈپٹی پراسیکیوٹر جنرل مظفرعباسی اورپراسیکیوٹر امجد پرویز ٹیم کے ہمراہ عدالت میں پیش ہوئے۔ عدالت نے آئندہ سماعت پر مزید 6 گواہان کو طلب کرلیا۔بانی پی ٹی آئی اور بشریٰ بی بی کے وکلاء ظہیرعباس چودھری اور بیرسٹر علی ظفر پیش ہوئے، بشریٰ بی بی کی جانب سے طبی معائنے کی درخواست دائر کی گئی۔ جس پر عدالت نے کل 12 بجے تک ڈاکٹر عاصم یونس سے بشریٰ بی بی کا طبی معائنہ کرنے کا حکم دے دیا