awareinternational A Credible Source Of News
راولپنڈی کی احتساب عدالت نے توشہ خانہ اور 190 ملین پاؤنڈ ریفرنس میں سابق چیئرمین پی ٹی آئی کی درخواست ضمانت مسترد کردی۔ کیس کی سماعت احتساب عدالت کے جج محمد بشیر نے کی۔ دونوں ریفرنسز کی سماعت 11 جنوری کو ہوگی۔نیب حکام 11 جنوری کو توشہ خانہ ریفرنس میں 12 گواہان کو پیش کرے گا۔دوسری جانب ذرائع کا کہنا ہے کہ نیب سابق چیئرمین پی ٹی آئی اور بشریٰ بی بی کیخلاف 20 گواہ پیش کرے گا۔ تحائف کا پرائیویٹ طور پر تخمینہ لگانے والے صہیب عباسی بطور وعدہ معاف گواہ پیش ہوں گےگواہان کی فہرست میں ایک اور وعدہ معاف گواہ بھی شامل ہے۔ سابق وزیراعظم کے ملٹری سیکریٹری اور ڈپٹی ایم ایس بھی گواہان میں شامل ہیں۔ ڈپٹی قونصلیٹ جنرل دبئی رحیم اللّٰہ، توشہ خانہ کے سیکشن افسران بھی گواہی دیں گے۔پی ایم آفس کے اسسٹنٹ سیکریٹری پروٹوکول زاہد سرفراز بھی نیب کے گواہ ہوں گے
