الیکشن کمیشن نے گوشوارے جمع نہ کروانیوالے سینیٹرز کے نام جاری کر دئیے

الیکشن کمیشن آف پاکستان نے 31 دسمبر2023ء تک گوشوارے جمع نہ کروانے والے ارکان سینیٹ کے نام جاری کر دئیے ہیں.27ا راکین نے تفصیل جمع نہیں کروائی، 15جنوری تک جمع نہ کروانے کی صورت میں رکنیت معطل کر دی جائیگی، الیکشن کمیشن نے بتایا ہے کہ ایوان بالا کے 27 موجودہ اور ایک سابق رکن نے گوشواروں کی تفصیل جمع نہیں کروائی. 15جنوری تک گوشوارے جمع نہ کروانے کی صورت میں 16جنوری کو انکی رکنیت معطل کر دی جائیگی. گوشوارے جمع نہ کروانے والوں میں یوسف رضا گیلانی، مصدق ملک، سیف اللہ نیازی، شاہین خالد بٹ، عون عباس، نزہت صادق، میاں رضا ربانی، امام الدین شوقین، محمد علی شاہ جاموٹ، فیصل سبزواری، نثار کھوڑو، تاج حیدر، خالدہ عطیب، شوکت ترین، پیر صابر شاہ، لیاقت ترکئی، مولانا عطا الرحمٰن، ذیشان خانزادہ، ثانیہ نشتر، دنیش کمار، سمینہ ، سعید ہاشمی، محمد قاسم، محمد عبدالقادر، ہدایت اللہ، دوست محمد، گردیپ سنگھ شامل ہیں