awareinternational A Credible Source Of News
وزیر اعلی پنجاب محسن نقوی کی ہدایت پر ریلیف کمشنر پنجاب نے اسموگ سے متاثرہ اضلاع میں اتوار کو (کل) لاک ڈاؤن کا حکم دیتے ہوئے نقل و حمل مزید محدود کرنے کا فیصلہ کرلیا۔پنجاب حکومت نے اعلان کیا ہے کہ اسموگ کے باعث تمام مارکیٹیں اور بازار اتوار کے روز بند رہیں گے۔پنجاب حکومت کا کہنا ہے کہ 6 ڈویژنز میں مارکیٹیں اور تجارتی مراکز بند رہیں گے، پابندی کا اطلاق لاہور، گوجرانوالہ، فیصل آباد، سرگودھا، ملتان اور ساہیوال ڈویژن پر ہوگا۔اس سے قبل ریلیف کمشنر نے مارکیٹس 4 بجے کھولنے کا نوٹیفکیشن کیا تھااسموگ کے حوالے سے نگراں وزیراعلیٰ پنجاب محسن نقوی کی ہدایت پر ریلیف کمشنر پنجاب نبیل جاوید نے اتوار کے روز لاک ڈاؤن کا حکم دے دیا۔اسموگ سے متاثرہ اضلاع میں نقل و حمل مزید محدود کرنے کا فیصلہ کرلیا گیا۔ریلیف کمشنر پنجاب نبیل جاوید نے متاثرہ اضلاع میں پابندیوں کا نوٹیفکیشن جاری کر دیا، جس کے مطابق گوجرانوالہ، ملتان، سرگودھا، فیصل آباد اور ساہیوال ڈویژنز کے تمام اضلاع پر پابندیاں لاگو ہوں گی، اتوار کے روز بازار دن 4 بجے کے بعد کھولے جا سکیں گے۔نوٹیفکیشن کے مطابق فارمیسیز، میڈیکل اسٹورز، کریانہ اسٹورز اور بیکریز کو پابندی سے استثنیٰ قرار دیا گیا ہے جبکہ پیٹرول پمپس، یوٹیلیٹی اسٹورز، کال سینٹرز اور انٹرنیشنل آئی ٹی سینٹرز پر بھی پابندیوں کا اطلاق نہیں ہوگا، پہلے سے طے شدہ امتحانات اور انٹری ٹیسٹ بھی شیڈول کے مطابق ہوں گے۔ریلیف کمشنر نبیل جاوید نے متعلقہ اضلاع کی انتظامیہ کو اسمارٹ لاک ڈاؤن یقینی بنانے کی ہدایات جاری کردیں۔ریلیف کمشنر نے کہا کہ افسر فیلڈ میں موجود رہیں اور احکامات پر عملدرآمد یقینی بنائیں، گزشتہ 2 روزہ لاک ڈاؤن سے اسموگ میں کمی واقع ہوئی ہے۔نبیل جاوید نے مزید کہا کہ شہری ماسک کا استعمال یقینی بنائیں، عوام غیر ضروری سفر سے گریز کریں اور بچوں کا خاص خیال رکھیں، اسموگ جیسی خطرناک آفت کا مقابلہ مل کر کرنا ہو گا، شہری موجودہ صورتحال میں انتظامیہ سے تعاون کریں
دوسری جانب چیف ٹریفک آفیسر (سی ٹی او) لاہور مستنصر فیروز نے کہا ہے کہ مال روڈ لاہور کل بروز اتوار ہر قسم کی ٹریفک کے لیے بند ہو گا۔سی ٹی او لاہور نے کہا کہ اتوار کے روز صرف سائیکل سوار اور پیدل شہری مال روڈ کو استعمال کرسکیں گے۔مستنصر فیروز نے کہا کہ حکومت پنجاب کی طرف سے اسموگ کے پیش نظر فیصلہ کیا گیا ہے، شہری پریشانی سے بچنے کے لیے مال روڈ پر سفر نہ کریں۔صوبائی حکومت کے اقدامات کے باعث لاہور میں آلودگی میں کمیادھر صوبائی حکومت کے اقدامات اور نگراں وزیراعلیٰ پنجاب محسن نقوی مسلسل انسداد سموگ مہم کی نگرانی کے باعث لاہور کے ائیرکوالٹی انڈکس میں بہتری آئی ہے۔اس حوالے سے نگراں وزیراعلیٰ پنجاب محسن نقوی نے سماجی روابطے کی ویب سائیٹ ایکس (ٹوئٹر) پر جاری اپنے پیغام کہا کہ لاہور میں ہمارے انسداد اسموگ اقدامات کے مثبت اثرات پر شکر گزار ہوںانہوں نے اپنے پیغام میں بتدریج 23، 24 اور 25 نومبر کو لاہور میں ایئرکوالٹی انڈیکس ریڈنگ بھی لکھی جس کے مطابق لاہور میں ایئرکوالٹی انڈیکس 454 سے کم ہوکر 232 تک پہنچ چکا ہے۔وزیراعلیٰ محسن نقوی نے پیغام کے آخر پر لکھا کہ ’آئیے صحت مند، صاف ہوا کے لیے اس مثبت رجحان کو برقرار رکھیں‘۔
