شاہ محمود قریشی نے سائفر کیس میں ضمانت کیلئے سپریم کورٹ سے رجوع کر لیا

تحریک انصاف کے وائس چیئرمین شاہ محمود قریشی نے سائفر کیس میں ضمانت کیلئے سپریم کورٹ سے رجوع کر لیا ہے، جس میں استدعا کی ہے کہ اسلام آباد ہائیکورٹ کا 8 نومبر کا فیصلہ کالعدم قرار دیا جائے۔تحریک انصاف کے رہنما اور سابق وزیرخارجہ شاہ محمود قریشی نے سائفر کیس میں ضمانت کیلئے سپریم کورٹ سے رجوع کرلیا ہے، جس میں وفاقی حکومت اور وزارت داخلہ کو فریق بناتے ہوئے ضمانت بعد از گرفتاری کی استدعا کی گئی ہے۔شاہ محمود قریشی نے درخواست میں استدعا کرتے ہوئے مؤقف پیش کیا ہے کہ اسلام آباد ہائیکورٹ کا 8 نومبر کا فیصلہ کالعدم قرار دیا جائے، اسلام آباد ہائیکورٹ نے حقائق کا درست جائزہ نہیں لیا، جب کہ میرے کیخلاف بے بنیاد اور سیاسی مقدمہ بنایا گیاہے۔