جنوری کے آخر تک تمام تعلیمی ادارے ہفتے کو بند رکھنے کا حکم

لاہور ہائی کورٹ نے اسموگ پر قابو پانے کے لیے صوبائی دارالحکومت کے تمام تعلیمی اداروں کو جنوری کے آخر تک بند رکھنے کا حکم دے دیا۔عدالت عالیہ کے جج جسٹس شاہد کریم نے لاہور میں ماحولیات، اسموگ کے تدارک اور آبی آلودگی کے مسائل پر طویل عرصے سے زیر التوا مفاد عامہ کی متفرق درخواستوں پر سماعت کے دوران یہ احکامات جاری کیے۔لاہور ہائی کورٹ کے جج جسٹس شاہد کریم نے اسموگ کے تدارک کے لیے شہریوں کی طرف سے دائر درخواستوں پر تحریری حکم جاری کردیا، اس میں کہا گیا ہے کہ پنجاب حکومت ہفتے کے دو روز ورک فرام ہوم کرنے کے حوالے سے اقدامات کررہی ہے۔حکم نامے میں کہا گیا ہے کہ نوٹیفکیشن میں جم بند کرنے کا لفظ معطل کیا جاتا ہے، یہ نوٹی فکیشن کورونا کی شق کے تحت جاری کیا گیا تھا، اسے مزید لاگو نہیں کیا جاسکتا۔