بنگلور میں کیویز کی بیٹنگ کے دوران بارش ہو جانے کی صورت میں میچ کے فاتح کا فیصلہ ہو گیا۔

سری لنکا اور نیوزی لینڈ کا میچ بنا نتیجے کے ختم ہونے کا امکان ختم، بنگلور میں کیویز کی بیٹنگ کے دوران بارش ہو جانے کی صورت میں میچ کے فاتح کا فیصلہ ہو گیا۔ ڈی ایل ایس میتھڈ کے تحت میچ کا نتیجا حاصل کرنے کیلئے دوسری اننگ میں کم از کم 20 اوورز کا کھیل ہونا لازمی ہے۔ سری لنکا کی جانب سے دیے گئے ہدف کے تعاقب میں کیویز کی اننگ کے 20 اوورز مکمل ہو گئے، نیوزی لینڈ 3 وکٹوں کے نقصان پر 145 رنز بنا چکا۔لہذا اب اگر بارش سے متاثر ہو جائے تب بھی نیوزی لینڈ ڈی ایل ایس میتھڈ کے تحت نظرثانی شدہ ہدف سے آگے ہے، یوں کیویز میچ کے فاتح قرار پائیں گے۔ واضح رہے کہ آئی سی سی ورلڈکپ کے 41ویں میچ میں سری لنکا نے نیوزی لینڈ کو جیت کے لیے 172 رنز کا ہدف دیا۔بنگلورو کے ایم چنا سوامی کرکٹ سٹیڈیم میں کھیلے جارہے میچ میں سری لنکن اوپنرز ٹیم کو اچھا آغاز دینے میں ناکام رہے، اوپنر پاتھم نسانکا 2، کپتان کوشل مینڈس 6 جبکہ سدیرا سمارا وکرما محض ایک رن کے مہمان ثابت ہوئے۔اینجلو میتھیوز اور دھننجایا ڈی سِلوا نے ٹیم کا اسکور آگے بڑھانے کی کوشش کی تاہم 16.4 اوورز میں سری لنکا کی چھٹی وکٹ 104 رنز پر گر گئی جب اینجلو میتھیوز 16 رنز بنا کر کیچ آؤٹ ہوگئے۔ دھننجایا ڈی سِلوا 19 رنز بنا کر کیچ آؤٹ ہوگئے۔ کرونا رتنے 6 رنز بنا کر کیچ آؤٹ ہوئے۔ دشمانتھا پریرا 32ویں اوور میں ایک رن بنا کر آؤٹ ہوئے۔ 10ویں وکٹ کی شراکت میں مہیش تھیکشنا اور دلشان مدھوشانکا نے 43 رنز کی شراکت قائم کی تاہم مدھوشانکا وکٹ گنوا بیٹھے۔نیوزی لینڈ کی جانب سے ٹرینٹ بولٹ نے 3، مچل سینٹنر، راچن رویندرا اور لوکی فرگوسن نے 2، 2 جبکہ ٹم ساؤتھی نے ایک وکٹ حاصل کی۔ ۔ قبل ازیں نیوزی لینڈ کے کپتان کین ولیمسن ٹاس جیت کر پہلے فیلڈنگ کرنے کا فیصلہ کیا، انہوں نے کہا کہ اوور کاسٹ کنڈیشنز ہیں اس وجہ سے پہلے فیلڈنگ کرنا چاہتے ہیں۔ اس موقع پر سری لنکا کے کپتان کوشل مینڈس نے کہا کہ ٹاس جیت کر پہلے فیلڈنگ کا فیصلہ کرتے تاہم کوشش کریں گے میں کامیابی سمیٹ کر چیمپئیز ٹرافی کیلئے براہ راست کوالیفائی کریں۔دونوں ٹیموں نے ٹیم میں ایک تبدیلی کی ہے، نیوزی لینڈ نے لوکی فرگوسن کی جگہ ایش سودھی جبکہ سری لنکا نے کسن راجیتھا کی جگہ چمیرا کو پلئینگ الیون میں موقع دیا ہے۔ دوسری جانب دونوں ٹیموں کے درمیان میچ میں 80 فیصد بارش کے امکانات ہیں، اگر میچ بارش کی وجہ سے ختم کردیا جاتا ہے تو دونوں ٹیموں کو ایک ایک پوائنٹ مل جائے گا۔ سری لنکا کا اسکواڈ کپتان کوشل مینڈس، ڈیموتھ کرونارتنے، پاتھم نسانکا، سدیرا سمارا وکرما، چارتھ اسالنکا، دشن ہیمنتھا، اینجلو میتھیوز، مہیش تھیکشنا، چمیکا کرونارتنے اور دلشان مدھوشانکا پر مشتمل ہے جب کہ نیوزی لینڈ کا اسکواڈ کپتان کین ولیمسن، ڈیون کونوے، راچن رویندرا، ڈیرل مچل، ٹام لیتھم، گلین فلپس، مارک چیپمین، مچل سینٹنر، لوکی فرگوسن، ٹم ساؤتھی، ٹرینٹ بولٹ پر مشتمل ہے۔