محکمہ تعلیم میں میرٹ کے برعکس بھرتیاں کرنے پر اسد قیصر کیخلاف مقدمہ درج

تحریک انصاف کے رہنما اور سابق سپیکر قومی اسمبلی اسد قیصر کے خلاف محکمہ تعلیم میں غیر قانونی بھرتیوں کا مقدمہ درج کرلیا گیا۔مقدمے کا اندراج صوابی تھانے میں اینٹی کرپشن صوابی کے افسر کی مدعیت میں کیا گیا ہے جس میں سابق وزیراعلیٰ کے مشیر عبدالکریم خان، ڈپٹی ای ڈی او اور سابق صوبائی وزیر شہرام ترکئی کو بھی نامزد کیا گیا ہے۔ اینٹی کرپشن خیبرپختونخوا کے مطابق پی ٹی آئی دور میں سیاسی مداخلت پر میرٹ کے برعکس بھرتیاں کی گئیں ، ترجمان اینٹی کرپشن کا کہنا ہے کہ غیر قانونی بھرتیوں کے باعث قومی خزانے کو ایک کروڑ ، 78 لاکھ روپے کا نقصان ہوا۔