ملک بھر میں عام انتخابات : ووٹ کے اندراج کی آخری تاریخ 13 جولائی مقرر کر دی

الیکشن کمیشن آف پاکستان نے ملک بھر میں جنرل الیکشن کے انعقاد سے قبل ووٹ کے اندراج کی آخری تاریخ 13 جولائی مقرر کر دی۔

A Public Service message of Secretary ECP Mr. Omar Hamid Khan regarding Voter registration as 13th July is the last date for registration, deletion, correction or transfer
Of your vote”#ECP #8300 #vote pic.twitter.com/d95LCpMtg4

— Election Commission of Pakistan (OFFICIAL)🇵🇰 (@ECP_Pakistan) June 24, 2023

سماجی رابطے کی ویب سائٹ ٹوئٹر پر اپنے ویڈیو پیغام میں سیکرٹری الیکشن کمیشن عمر حمید خان کا کہنا تھا کہ شہریوں کیلئے ووٹ کے اندراج کی آخری تاریخ 13 جولائی ہے، شہری اپنے ووٹ کی معلومات قومی شناختی کارڈ نمبر 8300 پر میسج کر کے حاصل کر سکتے ہیں۔سیکرٹری الیکشن کمیشن نے شہریوں کو ہدایت کی ہے کہ ووٹ کے اندراج اور درستگی کیلئے ضلعی الیکشن کمیشن کے دفتر آئیں جبکہ ووٹ کے اندراج کا فارم الیکشن کمیشن کی ویب سائٹ پر بھی موجود ہے۔انہوں نے مزید بتایا کہ فارم پُر کر کے متعلقہ ضلعی الیکشن کمیشن کے دفتر میں جمع کروائے جا سکتے ہیں۔سیکرٹری الیکشن کمیشن نے شہریوں سے کہا ہے کہ جمہوریت کی مضبوطی کیلئے ووٹ کے اندراج کا یہ آخری موقع ہے۔