awareinternational A Credible Source Of News
سانحہ 9 مئی کو ایک ماہ سے زائد عرصہ گزرگیا اور پی ٹی آئی سے وابستہ شرپسندوں کے اعترافات کا سلسلہ جاری ہے۔زمان پارک میں ہوئی سازش کو تحریک انصاف کے اپنےکارکنان نے بے نقاب کردیا۔ جناح ہاؤس لاہور میں شرانگیزی کی منصوبہ بندی چیئرمین پی ٹی آئی کی گرفتاری سے ایک دن قبل ہوچکی تھی۔پی ٹی آئی ورکر کے مطابق یاسمین راشد اور اعجاز چوہدری نے کارکنان کو جناح ہاؤس جانے کی ہدایت دی، چیئرمین نے گرفتاری سے ایک دن پہلے میٹنگ بلاکر انتشار کا مکمل منصوبہ تیار کرلیا تھا۔ پی ٹی آئی کارکن نے بتایا کہ چیئرمین پی ٹی آئی نےگرفتاری سے پہلےہی جناح ہاؤس پر حملے کا منصوبہ بنالیاتھا، شرانگیزی کے بعد چیئرمین پی ٹی آئی نے خود کو بچانے کیلئے ایجنسیوں پر الزام تراشی کی۔پی ٹی آئی کارکن نے کہا کہ وزارت عظمیٰ چھنتے ہی چیئرمین پی ٹی آئی نے افواج پاکستان کے خلاف زہر اُگلنا شروع کردیا تھا۔پی ٹی آئی کارکن کا کہنا تھاکہ جناح ہاؤس میں جلاؤ گھیراؤ کے وقت پی ٹی آئی کے حسان نیازی بھی موجود تھے، حسان نیازی نےکورکمانڈر کی یونیفارم کی بےحرمتی کی
