جوڈیشل کمیشن نے چیف جسٹس پشاور ہائیکورٹ کی سپریم کورٹ میں تعیناتی کی منظوری دیدی

جوڈیشل کمیشن نے پشاور ہائیکورٹ کی چیف جسٹس مسرت ہلالی کو سپریم کورٹ کا جج تعینات کرنے کی متفقہ طور منظوری دے دی۔چیف جسٹس عمرعطا بندیال کی سربراہی میں جوڈیشل کمیشن آف پاکستان کا اجلاس ہوا۔ذرائع کے مطابق جوڈیشل کمیشن نے پشاور ہائیکورٹ کی چیف جسٹس مسرت ہلالی کو سپریم کورٹ کا جج تعینات کرنے کی متفقہ طور منظوری دے دی۔جسٹس مسرت ہلالی خیبرپختونخوا سے سپریم کورٹ کا جج بننے والی پہلی خاتون جج ہوں گی۔صدرمملکت کی جانب سے ان کی منظوری کے بعد سپریم کورٹ میں ججز کی تعداد 16 ہو جائے گی۔یہ بھی پڑھیںسپریم کورٹ میں 2 ججز کی تعیناتی، جوڈیشل کمیشن کا اجلاس 14 جون کو ہوگاصدر نے جسٹس مسرت ہلالی کی بطور چیف جسٹس پشاور ہائیکورٹ تعیناتی کی منظوری دیدیجسٹس مسرت ہلالی قائم مقام چیف جسٹس پشاور ہائیکورٹ مقررسپریم کورٹ کے سینیئر ترین جج قاضی فائز عیسیٰ نے جسٹس مسرت ہلالی کا نام تجویز کیا تھا۔خیال رہےکہ 8 مئی کو صدر مملکت ڈاکٹر عارف علوی نے جسٹس مسرت ہلالی کی بطور چیف جسٹس پشاور ہائیکورٹ تعیناتی کی منظوری دی تھی۔