پاکستان اور پاک فوج کے خلاف فیک پروپیگنڈا پھیلانے ، لوگوں کو اکسانے کے الزام میں عادل راجہ برطانیہ میں گرفتار

سنگین جرائم میں اکستانی قانون نافذ کرنے والے اداروں کو انتہائی مطلوب ملزم عادل راجہ کی برطانیہ میں گرفتار کر لیا گیا ہے ۔پاکستان سے مفرور ملزم عادل راجہ کےخلاف فراڈ،دھوکہ دہی اور پاکستان میں انسداد دہشت گردی کی دفعات کے تحت مقدمات درج ہیں ، عادل راجہ کے خلاف پاکستانی اتھارٹیز نے مختلف شکایات درج کرائی ہوئی ہیں۔ تاہم عادل راجہ کے خلاف تازہ ترین شکایت 9 مئی سے متعلق کی گئی تھی، عادل راجہ اور ان کے ساتھیوں کے خلاف ریاست پاکستان مخالف جذبات ابھارنے کی شکایت درج ہے۔عادل راجہ پر الزام ہے کہ اس نے فیک نیوز پھیلائی جس کے ذریعے ریاست پاکستان کو غیر مستحکم کرنے کی کوشش کی گئی۔لندن پولیس نے عادل راجہ کی گرفتاری کے حوالے سے کوئی اعلامیہ جاری نہیں کیا تاہم انہیں لندن میں گرفتار کرلیا گیا ہے۔خیال رہے کہ رواں سال جنوری میں پاک فوج کے سینیئر افسر نے متنازع بیان پر عادل راجہ پر برطانوی ہائی کورٹ میں ہتک عزت کا مقدمہ دائر کیا تھا۔سوشل میڈیا پر پاکستان تحریک انصاف (پی ٹی آئی) کے حامی سمجھے جانے والے پاک فوج کے سابق افسر عادل راجہ نے پاک فوج کے حاضر سروس بریگیڈیئر پر پی ٹی آئی کے خلاف انتخابی دھاندلی کرنے اور جنرل ریٹائرڈ باجوہ پر ہارس ٹریڈنگ کے الزامات عائد کیے تھے۔برطانوی عدالت میں دائر کیے گئے مقدمے میں کہا گیا کہ عادل راجہ نے 14 جون 2022 کو حاضر سروس فوجی افسر کے خلاف مہم کا آغاز کیا جس سے درخواست گزار کی ساکھ کو شدید نقصان پہنچا۔عادل راجہ گزشتہ برس اسلام آباد سے لاپتہ ہونے کے بعد لندن پہنچ گئے اس نے سوشل میڈیا پر جاری وی لاگ میں پاکستان کی ٹاپ ماڈلز اور اداکاراؤں پر سنگین الزامات بھی عائد کیے تھے